ﻗﺼﺔ البيت المسكون ـ الجزء 1
هذي قصة ماشي بحال كل القصص ... هذي قصة وقعات أحداتها في مدينة صغيرة ... كان فيها حمام قدييم بزاف أو هاد الحمام معمر شي حاد متجرأ يعوم فيه ... هو مبني في حديقة ديال دار خاوية ... كانت ساكنة فيها أسرة صغيرة .. أو على حساب الهضرة لي كدور كيقولو بلي ديك الأسرة كتكون من الجدة أو الأم و الفتاة لي كيقولو كانت زوهرية ... أو في ضوروف غامضة ختافات البنت من بعد ما داتها شي وحدة من دارهم بالموافقة ديال ماماها .. على أساس أنها غاديا تساعدها في تحقيق الحلم ديالها لي هو بناء حمام كبير في الحديقة لي قدام الدار بشرط تخليها تدي البنت معاها مدة أسبوع أو ترجعها ليها.... المهم منطولش عليكم من داك النهار مبقاتش رجعات البنت أو تا الحمام كمل في البني ديالو أو تا حد مستافد منو ... الأم تسنات سيمانا أو أشهر مي مقدراتش تصبر كتر من عام ... قبل متكمل عام باش اختافات بنتها ماتت الأم .. أوو تبعاتها الجدة لي مصبراتش على الوفات ديال بنتها.أو اختفاء حفيدتها .... من بعد شهور على الموت .. قررو ناس المدينة باش يستافدو من الحمام حسن من أنو يبقى مسدود ........أو فعلا بداو الناس كايمشيو لذاك الحمام ولاكين كانت كتوقع فيه أشياء غريبة ... كيقولو بلي في البيت السخون كان لي دخل ليه كيلقى فية شعرة طويلة أو لونها بيض بزاف شوية كتولي حمرا كاملة .. أو كيسمعو أصوات تاع شي حد كيبكي أو كيغوت او كيضحك...... من داك الوقت مابقى تا شي حد كيتجرأ يمشي لذاك الحمام أو ديك الدار بصفة نيهائية .... من بعد مرور 20 عام ... أو بصدفة كنا ديزين من حدا الدار أنا أو شي دراري أو بنات فاش شفنا الدار قررنا نمشيو نشوفوها . ونشوفو واش بصح مسكونة كي كيتقال فالمدينة كاملة .... ديك الساعة كانت 4 ديال العشية .... الحصول دخلنا لدار بدينا كندورو فيها..... كانت قديمة أو أغلب الأماكن فيها ولاو مهرسين أو الأرض هشيشة أو فاش كنعفطو كتسمع الأرض كتطرطق تحت رجلينا ... أنا كنت خايفة بزاف حيت سمعت جميع أنواع القصص لي تقالت على ديك البلاصة ... لدرجة أن الناس كانو كيتفاداو يبنيو حداها داكشي علاش بقات معزولة على المدينة أو تا الديور لي كانو حداها ماليهوم مشاو .... حيت في كل ليلة كل شهر كيسمعو أصوات خارجة من داك الحمام ... أنا قلت ليهم خليونا نمشيو من هنا ولاكن مسمعوش ليا .... أو تا أنا كان قاتلني الفضول نعرف اللغز ديال داك الحمام أو ديك الدار .... بقينا كنقلبو فدار كلها ولاكين ملقينا والو أو طلعنا مع واحد الدروج..... خرجنة في كولوار فيه بيت باين بلي كان ديال شي بنت أو داك الكلوار كيدي مباشرة لواحد البالكون كيطل على الحمام ...... فاش وقفنة في البالكون كانت الصدمة الكبيرة بداكشي لي شفناه كانت هديك هي أسوأ ليلة في حياتنا...... يتبع
عنوان التدوينة:
ﻗﺼﺔ البيت المسكون ـ الجزء 1
تقييم : 10 من 10 مرتكز على 24 تقييم.
الكاتب :mohamed ghabri
تقييم : 10 من 10 مرتكز على 24 تقييم.
الكاتب :mohamed ghabri
عدد المشاهدات :
* بإمكانك إدراج الأكواد الغير قابلة لنشر بتحويله عبر محول الأكواد
تحويل الأكوادإغلاق التعبيراتإخفاء